• Diyarbakır 4 °C
  • Batman 6 °C
  • Hakkari 1 °C
  • Şırnak 4 °C
  • Ağrı -2 °C

"Dê HSD wekê hevbeşê hevpeymanan bimîne"

"Dê HSD wekê hevbeşê hevpeymanan bimîne"
Fermandarê Hevpeymaniya Navdewletî ya dijî DAIŞê ragihand ku Hêzên Sûriya Demokratîk (HSD) dê weke hevbeşê hevpeymanan bimînin.

Berdevkê Hevpeymaniya Navdewletî ya dijî DAIŞê, Shon Ryan beşdarî bultena Nîvroj a Rûdaw TV bû û li ser operasyonên li dijî Iraqê û rewşa Iraq û Sûriyeyê û siyaseta hevpeymanan li her du welatan axivî.

Shon Ryan diyar kir ku li Iraq û Sûriyeyê navçeyeke kêm di destê DAIŞê de maye û got: "Çekdarên DAIŞê li nêzîkê newala çemê Firatê, Deşîşe û Hecîn kom bûne, herwiha li bakurê Elbûkemal jî hene û hedefa sereke ya bombebaranên esmanî yên hevpeymanan jî ew navçe ne."

Shon Ryan da zanîn ku niha operasyonên Hevpeymaniya Navdewletî herî zêde li her du deverên Deşîşe û Hecîn ên li Sûriyê ne.

Ryan got: "Operasyonên me li seranserê Iraq û Sûriyê hene, lê ew qonaxa ku niha operasyon lê birêve diçe, li wan herdu navçeyên Deşîşe û Hecîn ê ne. Hecîn û Deşîşe du cihên serekî ne ku niha operasyonên me li wan deran tên kirin."

Fermandarê amerîkî destnîşan kir, ku Hevpeymaniya Navdewletî li ser hevkarîkirina Hêzên Sûriya Demokratîk berdewam dibe û tekez kir ku HSD hevbeşê Hêzên Hevpeyman e û wek hevbeş jî dimîne.

Ev nûçe 622 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din