• Diyarbakır 35 °C
  • Batman 38 °C
  • Hakkari 27 °C
  • Şırnak 35 °C
  • Ağrı 25 °C

DAIŞê êrîşî Kerkûkê kir

DAIŞê êrîşî Kerkûkê kir
Şevê din çekdarên DAIŞê êrîşî başûrê Kerkûk kirin û du çekdarên Heşda Şeibî kuştin û hejmarek din ji çekdarên Heşdê birîndar kirin.

Li gundê Qeretepe yê ser bi bajarokê Yayçî ve li başûrê Kerkûkê, çekdarên DAIŞê dest bi êrîşeke berfireh li dijî lîwaya 16an ya hêza (Îmameyn) a ser bi Heşda Şeibî ve kirin û şerekî tund di navbera herdu aliyan de qewimî, ku di encamê de, du çekdarên Heşda Şeibî hatin kuştin û 10 çekdarên din jî birîndar bûn.

Li aliyekî din û di heman şevê de, li sînorê gundê Zenqer yê ser bi bajarê Daqûqê ve li başûrê Kerkûkê, çekdarên DAIŞê efserekî hêzên Pêşmerge revandin".

Xelkê wî gundî ji nûçegihanê Kurdistan24ê re gotin: "Ew efserê Pêşmerge bi navê Ferhad Axa ye û bi xwe jî (Kakeyî) ye, piştî 16 Cotmeha sala 2017an, ji gundê xwe bar kiribû, lê duh ji bi mebesta paleya genim vegeriya gundê xwe, lê ji aliyê girûpeke çekdar ve hat revandin û ji bo cihekî nediyar hat birin û heya niha çarenivîsa wî nediyar e, guman jî heye ku ew çekdaran ser bi girûpa DAIŞê ve bin".

Her wiha dan zanîn li taxa (Esra û Mefqûdîn) ya bajarê Kerkûkê jî, hejmarek ji çekdaran, teqe li xortekî Ereb bi navê Me'en Mehmûd kirin û di encamê de, canê xwe jidest da.

(K24)

Ev nûçe 478 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din