Merkezê Xeberan- Serê sibayî rayîrê ke şinê bînaya HDP'yî , hetê polîsan ra bi wesayîtanê bizirxan ameyî girewtene û cayanê bînan ê şaristanî de wesayîtê zirxî ameyî cakerdene.

Polîsan hêrişê koma ke ameybî pêser kerd. Hêriş de Parlamentere Nuran Îmîre sereyê xo ra birîndar bîy.

Wekîla Şirnexî Nuran Îmîre û Hasan Ozguneş, hemserekê şaredarîye yê ke herinda înan de qeyûm ame wezîfedarkerdene zî tede zaf kesî verê bînaya HDP'yî ya Cizîrî de ameyî pêser.

Endamanê partîye waşt verê bîna de beyanat bidê. La polîsan semedê qerarê qedexekerdişî yê walîtîye ra destûr nêda ke beyanat bêro wendene. Dormeleyê koma ke waşt rayîr ra şêro hetê polîsan ra ame girewtene. Mabênê polîsan û endamanê partîye de munaqeşa vejîya û endamê Meclîsê Şaredarîye yê HDP'yî Mesut Uçkaç û Serhat Kuçuk zî tede 4 kesî ameyî derbkerdene.

Polîsanê hêzanê çewîkî pê copan hêriş kerd. Hêriş de Nuran Îmîre sereyê xo ra derbeyêk girewte. Dimayê hêrişî hemwelatî dekewtî bînaya HDP.