Çiyakurd: Armanca Tirkiyê ne tenê Eyn Îsa ye…   

Çiyakurd: Armanca Tirkiyê ne tenê Eyn Îsa ye…  

.

A+A-

Cîgirê Hevserokatiya Meclîsa Rêveber a Rêveberiya Xweser a li Rojavayê Kurdistanê Bedran Çiyakurd, li ser êrîşên Tirkiye û komên çekdar bi ser bajaroka Eyn Îsayê de got, Tirkiye ne tenê dagirkirina Eyn Îsayê difikire, herwiha Kobanê, Minbic û Cizîrê jî di rojeva wê de ye.

Çiyakurd ji medya Rojava re axivî û got, armanca Tirkiyê berfireh e û ne tenê dagirkirina Eyn Îsa ye, herwiha dagirkirina Kobanê, Minbic û herêmên Cizîrê jî di rojeva wan de ye.

Bedran Çiyakurd bi bîr xist ku Eyn Îsa navendeke rêvebirî û siyasî ji bo Rêveberiya Xweser bû û diyar kir ku dixwazin bibêjin; “Me cihê Rêveberiya Xweser dagir kir û me dawî li projeya wan anî.”

Çiyakurd li ser êrîşan hişyarî da xelkê û daxwaz kir, hemû tedbîrên xwe bigirin û piştgiriya HSDê bikin.

Bedran Çiyakurd herwiha da zanîn ku wan bi Rûsyayê re tu lihevkirin li ser radestkirina Eyn Îsayê ji bo hikumeta Şamê çênekirine û ew vê yekê napejirînin.

Cîgirê Hevserokatiya Meclisa Rêveber a Rêveberiya Xweser daxwaz ji Rûsyayê kir, “Bi berpirsyariya xwe rabe û zextê li Tirkiyê bike daku girêdayî peymana agirbestê bimîne. Divê Rûsya bi cidî kar bike û dawî li dagirkeriya dewleta Tirk bîne.”

Çiyakurd destnîşan kir ku eger aramiya herêmê têk biçe wê bibe sedema ku hêzên terorîst sûdê jê wergirin û xwe bi rêxistin bikin.

​​​​​​​Cîgirê Hevserokatiya Meclîsa Rêveber got: “Rûsya bi vê siyaseta niha wekî hinek aliyan bi hinek aliyên din bitirsîne, her bazaran dike û ji bo demên kurt kar dike ku mebesta wê li dijî hêzên din xwe bi cih bike ye. Lewra alozî kûrtir dibe û ev yek jî nakeve xizmeta aramî û pêvajoya heyî.”

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin