Civîna Kuleba û Lavrov bi navbeynkariya Tirkiyê destpê kir

Civîna Kuleba û Lavrov bi navbeynkariya Tirkiyê destpê kir

.

A+A-

 Civîna Wezîrê Karên Derve yên Rûsyayê û Wezîrê Karên Derve yê Ukraynayê îro li bajarê Antalya yê Tirkiyê bi navbeynkariya Enqerê destpê kir.

Wezîrê Karên Derve yê Ukrayanyê Dmytro Kuleba û Wezîrê Karên Derve yê Rûsyayê Sergey Lavrov, do Çarşemê 9ê Adarê gihîştin bajarê Antalya yê Tirkiyê.

Sergey Lavrov û Dmytro Kuleba îro di saet 11:00an de, li bajarê Antalya bi amadebûna Wezîrê Karên Derve yê Tirkiyê Mevlut Çavuşoglu civiyan û wê di derbarê şerê vê dawiyê yê navbera Ukrayna û Rûsyayê ve danûstandinê bikin.

Herwiha Kuleba û Lavrov wê beşdarî Korbenda Dîplomasî ya Antalyayê jî bibin.

Wezîrê Karên Derve yê Ukraynayê Dmytro Kuleba li ser civîna îro diyar kiriye: “Tu hêviyeke min a mezin di van gotûbêjan de tune, lê em ê hemû hewlên xwe bidin.”

Wezîrê Karên Derve yê Tirkiyê Mevlut Çavuşoglu jî bi peyameke li ser twitterê eşkere kiriye, civîna Lavrov û Kuleba li ser destpêşxeriya serokkomarê wî welatî Recep Tayyip Erdogan û di çarçoveya hewldanên Enqerê bo navbeynkariya di navbera Rûsya û Ukraynayê de ye.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin