Qezaya Dara Hênî ya Çewlîgî de şewato ke hîrê rojî yo dewam keno çiqas şino vila beno. Şewat de Koyo Sipî hema hema pêro vêşa.

Qezaya Dara Hênî ya Çewlîgî de şewato ke 25ê hezîrane de destpê kerd  dewam keno. Sebebê şewatî hema bewlî nêbo zî xora yeno zanayîş ke artêşa tirke her cayê Kurdîstanî de şewat vejena.

Çewlîg zî 5 rojan ra nata vêşeno. Şewat 25ê hezîrane de herêma Suwêranî ya Dara Hênî de dest pêkerdbi. Semedo ke şewat nêzdîyê qereqolê Suwêranî de vejîya û ci rê mudaxele nêno kerdene sey fa3il dewleta tirke yena nîşankerdene. Şewat roja yewşemeyî bi 3 kîlometreyan nêzdîyê merkezê qeza bi. Netîceta şewatî de herêma Koyê Sipî hema hema bi temamî vêşaye û bi hezaran gandarî zî binê tehlukeyê çinbîyayîşî de yê.