Çewlîg de heywanî rîyê HESî ra bêawe mendê

Çewlîg de heywanî rîyê HESî ra bêawe mendê

.

A+A-

Dewijanê Kanîreşî va, “Awa HESî hamnanan yena birnayîş û heywanî bêawe manenê. HESî ver weyekerdişê heywanan ver bi qedîyayîşî de yo.”

Dewijanê Kanîreşî va, “Awa HESî hamnanan yena birnayîş û heywanî bêawe manenê. HESî ver weyekerdişê heywanan ver bi qedîyayîşî de yo.”

Dewijanê dewa Xelîfan û Kurike HESî ver kewtê tenganîye. Goreyê malûmatanê dewijan, awa HESî hamnan yena birnayîş û heywanê înan bêawe manenê. Dewijî wazenê na rewşe bêra çareserkerdiş.

‘Weyekerdişê heywanan ver bi qedîyayîşî de yo’

Ekrem Karaca wayîrê çewlîgêkî heywanan o. Ekrem Karaca vano, “Verê HESî Xelîfan de 15 hezar heywanî estibî. Nika dewa ma de 1500 heywanî mendê. Bi viraştişê HESî hem erde ma ame xeripîyayîş hem zî çimeyê awe qedîyayê. Çend dewijî ameyê îstîhdamkerdiş coka kes vengê xo nêkeno. La weyekerdişê heywanan ver bi qedîyayîşî de yo. Ma nêşkenê awe peyda bikerê. Hamnane seba ke awe kêmîyena, awa dereyi hetê santralî ra yena antiş. HES ke ame viraştiş, nê problemi vejîyayê. Seba ke awa heyatî zî yena birnayîş, maseyî zî mirenê. Cayo ke heywanî şinê awe ser de HES ameyo viraştiş. Ma bi awa şebekeyi awe danê heywanan la 10 rojan ra nat arizayêk esto û awa şebekeyi zî çin a.”

‘Heywanê ma bêawîye ver mirenê’

Yûnûs Emeç dewa Kurike de heywanan keno weye. Emeç vano, “Ma 2-3 serran ra nat bi awa şebekeyi awe danê heywananê xo. Bêawîye ver hefteyêk de 4 pesê mi û 3yî zî pesê dezayê mi merdê. Muxtarê dewe bêxebere meraya ma îcare kerda. Uca de zî depoyê hewayê serdinî virazîyayo. Ma muxtarî ra va na mesele safî bike la muxtarî goş nêda ma.”

‘Seba enerjîyê zêdeyî dest nanê pêro awe ser’

Serekê BINÇEVDERî Cuma Karaaslanî va, “Çewlîg hetê awe ra dewlemend o. HESî xora probleme her cayî yê. HESî xo ra zaf kêmî enerjî peyda kenê. Eke şima lembayanê xo padê, hîna zêde enerjî maneno. Viraştişê înan de zî îxlalî estê. Seba ke hamnan hîna zêde enerjî bigerê, dest nanê pêro awe ser. Eke şima dereyi ziwa bikerê û reyna awe bidê, xoza û gandeyî xeylê zirar vînenê.”

Dewa Xelîfanî de nika 1 HES esto û seba 2 heban zî raporê ÇEDî yeno pawitene.

* Xeberê Firat Bulutî, Gazete Duvar de vejiya.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin