Navenda Nûçeyan- Di navbera 1939-1975'an de Spanya bi dîktatorî hat bi rê ve birin. Van salan dîktator Francisco Franco welat bi rê ve bir û gelek êş bi gelên Spanyayê da jîyîn. Ew di 20'ê sermaweza 1975'an de mir û cenazeyê wî li "Newala Şehîdan" hatibû definkirin. Piştî 44 salan cenaze ji wir hat derxistin û li goristana malbata wî ya li Mingorrubio hat definkirin.

Serokwezîrê Spanyayê Pedro Sanchez li ser vê wisa got: "Şerma ji alîyê ehlaqî ve îro bi dawî bû" û wisa dom kir: "Li welatekî demokratîk a wekî Spanyayê nedibû gora dîktatorekî li cihek wisa ba, ev yek şerm bû, ji îro pêde dê Newala Şehîdan bi mexdûrên rejima dîktator bê bibîranîn."

Her wiha Sanchez got ku demokrasiya me ne tenê li ber çavên me li ber çavên dinyayê prestîja wê bilindtir dibe.

Piştî pêvajoyeke dû dirêj Dadgeha Bilind a Spanyayê dawîya meha borî biryara veguhastina gorê dîktator dabû.

Çavkanî: Dîyarname