Çekdarên Siqûr el-Şemal 120 darên zeytûnan li Efrînê birîne

Çekdarên Siqûr el-Şemal 120 darên zeytûnan li Efrînê birîne

.

A+A-

 Grûpên çekdar ên ser bi Tirkiyê ve 120 darên zeytûnan ên welatiyekî Kurd li Efrînê birîne.

Çavkaniyên xwecihî ji Efrînê belav kirine ku grûpên çekdar ên ser bi Tirkiyê ve, 120 darên zeytûnan ên welatiyê Kurd li nêzîkî Pira Nû li derdora bajarê Efrînê birîne.

Li gor agahiyan, darên ku hatine birîn ên kesekî bi navê Mihemed Elî Hebîb bûne ku xelkê nahiya Bilbilê ye.

Heman çavkaniyan amaje bi wê yekê dane ku grûpa darên wî welatiyê Kurd birîne, çekdarên grûpa Siqûr el-Şemal bûne û bi armanca şewitandin û firotina wan daran li bazarê ew kar kirine.

Herêma Efrînê ya Rojavayê Kurdistanê ji bihara sala 2018an ve û di encama operasyoneke bi navê Operasyona Çiqlê Zeytûnê, ji aliyê Tirkiyê û komên çekdar ên ser bi vî welatî ve hatiye dagîrkirin.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin