Çekdarên ser bi Tirkiyê li Efrînê 2 kesên din ên kurd revandin

Çekdarên ser bi Tirkiyê li Efrînê 2 kesên din ên kurd revandin

.

A+A-

 

Grubên çekdaran ên opozîsyona Sûriyê yên Tirkiyê piştevaniya wan dike, jin û mêrekî kurd ji bajarokê Mabeta revandin.

Rêxistina Mafên Miovan li Efrînê belav kir, gruba çekdar welatî Îbrahîm Xencer û jina wî Narîn Ala ji roja 24 vê mehê ve revandin û heta niha çarenivîsa wî ne diyar e.

Wê rêxistinê diyar kir jî, pêştir jî keça wan Medya Xencer ku di Encûmena Xwecihiya Mabeta bû hatibû revandin.

Girtina malbata Xencer di wê çarçoveyê de, pêştir roja 14ê Cotmehê  çekdaran Serokê Encûmena Xwecihî ya Mabeta Ebdulmultelib Şêx Nasan û hejmarek ji karmendên wê encûmenê revandibûn û heta niha çarenivîsa wan ne diyar e.

Artêşa Tirkiyê û grubên çekdar ên ser bi wê ve ji roja 18ê Adara 2018an ve Efrîn dagîr kirine û heta niha bi hezaran Kurdên Efrînê revandine û çarenvîsa beşeke revandiyan ne diyar e.

Çalakvanên Efrînê dibêjin, sedema revandina welatiyan bi armanca wê yekê ye, ta ku Kurdên Efrînê neçar bibin dest ji cih û warê xwe berdin û koçber bibin.

 

Ev nûçe 130 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin