• Diyarbakır 34 °C
  • Batman 35 °C
  • Hakkari 23 °C
  • Şırnak 31 °C
  • Ağrı 21 °C

Çekdaran li Efrînê du hevjîn û zarokên wan girtin

Çekdaran li Efrînê du hevjîn û zarokên wan girtin
Li Efrînê girtina welatiyên sivîl ên Kurd ji aliyê çekdarên opozisyona Sûriyê ve berdewam e. Grûpên çekdar ên opozisyona Sûriyê ku Tirkiye piştgiriya wan dike, çend welatî ji deverên cuda yên herêma Efrînê girtin.

Grûpên çekdar ên opozisyona Sûriyê welatiyê bi navê Ferîd Mihemed Mistefa ji gundê Bafilorê yê ser bi Cindirêsê ve girtine.

 

Çavkaniyên xwecihî dibêjin, ku ew welatî ji çend roj berî niha ve ji aliyê çekdaran ve hatiye girtin û heta niha ti zanyarî li ser çarenivîsa wî nayê zanîn.

 

Grûpên çekdar herwiha welatiyê bi navê Îmdad Ehmed li gel hevjîn û du zarokên wî li ser rêya Efrîn-Izazê girtine û bo cihekî nediyar birine.

 

Li gorî çavkaniyên xwecihî, Îmdad Ehmed, hevjîna xwe ji bo çareseriya pizîşkî biribû bajarokê Izazê û li ser rê ew ji aliyê grûpên çekdar ve hatibûn girtin. Ji roja 8ê Îlonê ve, herî kêm 24 welatiyên herêma Efrînê bi destê grûpên çekdar ên ser bi Tirkiyê ve hatine girtin.

Ev nûçe 225 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din