Çar kolberên Kurd bi guleyên hêzên Îranê hatin kuştin

Çar kolberên Kurd bi guleyên hêzên Îranê hatin kuştin

Di nava çar rojên derbasbûyî de, li ser sînorên Herêma Kurdistan û Rojhilatê Kurdistanê, heft kolberên Kurd bi gulleyên hêzên Îranê hatin kuştin û birîndarkirin.

A+A-

Li gorî raporeke malpera Hengaw ji bo Mafên Mirovan, tenê di çar rojên derbasbûyî de, hêzên ewlehiya Îranê bi awayekî rasterast teqe li kolberên Kurd kirine û di encamê de çar kolber li ser sînorên Rojhilatê Kurdistanê kuştine û sê kolberên din jî birîndar kirine.

Li gorî heman malperê, ew kolberana welatiyên bajarên: Urmiyê, Selmas, Pîranşar û Merîwan bûn.

Heya niha çendîn caran rêxistinên mafên mirovan bi fermî daxwaz ji Hikûmeta Îranê kirine, ku hêzên wê gullebarankirina kolberên Kurd rawestîne û çareyekê ji wan re bibîne, ku karibin dûrî kolberiyê debara jiyana xwe bikin, lê heya niha jî, Hikûmeta Îranê ti gav ji bo çarekirina vê pirsê neavêtiye.

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin