Wezareta Derve ya Ingilistanê girêdayî helwêsta xwe ya geştyariyê listeya xwe nû kir. Di malpera Wezaretê de hate ragihandin ku, hevwelatiyên Ingilistanê seredana bajarên: Şirnex, Mêrdîn, Riha, Dîlok, Diyarbekir, Sêrt, Dêrsim, Colemêrg,Kilîs herweha bajarê Hatay nekin.

Ew dever wekî, deverên metirsîdar ji bo bûyeran hatin ragihandin. Li aliyek din Wezareta Derve ya Ingilistanê diyarkir ku, geştyarên ji Tirkiyê tên Ingilistanê jî, dê ji kontrolên zêdetir derbas bibin.

Ji geştyaran hate xwestin, hesankariyan ji karmendên ewleyî re diyar bikin. Tê çaverêkirin, ev biryara Wezareta Derve bi awayek neyênî bandoriyê li geştyariya ji Ingilistanê bo Tirkiye bike.