Josep Borrell, Nûnerê Bilind ê Yekîtiya Ewropayê bo Karûbarên Derve û Siyaseta Ewlehiyê di gotarekê de ku rojnameya Le Journal du Dimanche a Fransî belav kiriye, dibêje: “Armanca Rûsya, Çîn û Tirkiyê ew e ku teraziya hêzê li seranserê cîhanê biguherînin.”

Borrell diyar dike ku Tirkiye hewl dide xwe weke karaktera sereke ya li herêmê bide nîşandan û Enqere şêwaz û rêyên cur bi cur li rojhilatê Deryaya Spî bi kar tîne.

Herwiha dibêje; guhertina Muzexaneya Aya Sofya bo mizgeftê di salvegera peymana Lozanê de, tesaduf nebû.

Di dawiya gotara xwe de Josep Borrell eşkere dike: “Tirkiye dê di gelek dosyeyan de weke hevpara giring a Yekîtiya Ewropayê bimîne. Ev jî divê bibe sedema derketina me ji dînamîka rûbirûbûna metirsîdar a ligel vê cîrana mezin.”