Navenda Nûçeyan- Bi sedan welatîyên Rojavayê Kurdistanê yên ku ji ber êrişên Tirkiyê derbider bûne, gihîştin Başûrê Kurdistanê.

Êrişên Tirkîyê li ser Rojavayê Kurdistanê didomin. Heta niha bi dehan sivîl hatine kuştin, bi sedan kes birîndar bûne, bi deh hezaran kes jî koçber û derbider bûne.

Dezgeha Xêrxwazîya Barzanî ragihandîye, şeva borî derdora 750 kesên ku ji ber êrişên Tirkîyê koçber bûne, bi rêka derîyê sînorî yê Sêmalka-Pêşabîrê re derbasî Başûrê Kurdistanê bûn.

Li gorî agahîyan, bi vî rengî ji destepêka êrişên Tirkîyê ve heta niha derdora hezar derbiderên Rojava derbasî Başûr bûne.

Dezgeha Xêrxwazîya Barzanî daye zanîn, ew koçberên Rojavayî li devera Berdereş ya Duhokê hatine bicîhkirin.