• Diyarbakır -3 °C
  • Batman -3 °C
  • Hakkari 4 °C
  • Şırnak 8 °C
  • Ağrı -1 °C

Başûr: Parlamento vebû û biryara referandûmê pejirand!

Başûr: Parlamento vebû û biryara referandûmê pejirand!
Ji 68 parlamenterên ku di civînê de amade bûn, 65 parlamenteran dengê Belê bi kar anî û biryara referandumê ya 25ê Îlona 2017ê pejirandin.

Parlamentoya başûrê Kurdistanê yekemîn civîna xwe piştî 2 salan saz kir. Di civîne de 71 parlamenter ji pêkhateyên Kurd, Tirkmen, Mesîhî (Aşûrî, Suryanî, Kild û Ermenî) û Kurdên Êzidî û fraksyonên PDK, YNK, Yekgirtû, Partiya Komunîst, Arasteya Sêyem, Çaksaziya Tirkmenî û Pêşkevtina Tirkmenî, Lîsta Rafîdeyn a Mesîhî amade bûn.

Parlamenterên Tevgera Goran û Komela Îslamiya Kurdistanê beşdarî civîna parlamentoya Kurdistanê nebûn.

Civîn bi serokatiya Cîgirê Serokê Parlamentoya Kurdisatanê Ceifer Îbrahîm Êminkî birêve çû û piştî gotûbêjkirina ji 68 parlamenterên ku di civînê de amade bûn, 65 parlamenteran dengê Belê bi kar anî û biryara referandumê 25ê Îlona 2017ê pejirandin.

111 parlamenterên Parlamentoya Herêma Kurdistanê hene; 38 parlamenterên PDK, 24 yên Goran, 18 yên YNK, 10 yên Yekîtîya Îslamî, 6 yên Komeleya Îslamî,1 Bizava Islamî, 1 Partîya Komunist (Azadî) û 1 Partîya Komunist e. Û herweha kêmneteweyî û dînî jî her yek ji kontejan mebûsên wan hene.

Serokê Parlamentoya Kurdistanê Yusif Muhammed Sideq ji grûba Goran e.

 

Ev nûçe 1424 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din