Baroya Amedê: Refroma darazê bi binçavkirinan dest pê kir

Baroya Amedê: Refroma darazê bi binçavkirinan dest pê kir

.

A+A-

Baroya Amedê bertek nîşanî binçavkirinên li Amedê ku piraniya wan parêzer in da û got: “Reforma darazê, bi binçavkirina parêzer û nûnerên rêxistina civakî ya sivîl dest pê kir.” 

Baroya Amedê têkildarî biryara binçavkirinê ya di çarçoveya lêpirsîna KCD’ê de derbarê 101 kesî de hatiye derxistin daxuyaniyek nivîskî belav kir û bertek nîşanî operasyonê da. Herî kêm 17 parêzerên endamên Baroya Amedê ne jî hatine binçavkirin. Parêzerk li Şirnexê û parêzerek jî li Semsûrê hatine binçavkirin. 

‘DARAZ BI FERMANA ÎQTÎDARÊ DIXEBITE’ 

Baroya Amedê destnîşan kir ku demek dirêj e li ser parêzer û kesên li qada rêxistinên civakî yên sivîl dixebitin bi awayek sîstematîk zext, tehdît û binçavkirin hene û got: “Reforma darazê, bi binçavkirina parêzer û nûnerên rêxistina civakî ya sivîl dest pê kir. Binçavkirin tên binpêkirina hiqûqê. Daraz li gorî fermana îqtîdarê tevdigere. Daraz jî li ser parêzeran zext dike. Li welat demorkasî û hiqûq ji holê hatiye rakirin. Ev yek bi xwe re hilweşînê û felakete tîne. Vê yekê nabînin. Ev yek jî aştiya welat xera dike û rê li ber pêkanîna şatiyê digire. Em bang li rayedaran dikin demildest dawî li van operasyonên dij hiqûqî bînin û binçavkiriyan serbest berdin.” 

 

Ev nûçe 128 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin