• Diyarbakır 19 °C
  • Batman 20 °C
  • Hakkari 12 °C
  • Şırnak 17 °C
  • Ağrı 11 °C

Balafirên Tirkiyê navenda Efrînê bombebaran kirin

Balafirên Tirkiyê navenda Efrînê bombebaran kirin
Balafirên şer ên Artêşa Tirkiyê navenda bajarê Efrînê û çend bajarok û deverên ser bi wê herêma Rojavayê Kurdistanê ve bi giranî bombebaran kirin.

Balafirên şer ên Tirkiyê ji nîveşeva bihorî ve çend taxên bajarê Efrînê bi giranî bombebaran kirin.

 

Li gorî agahiyên destpêkê, di encama bombebarana navenda bajarê Efrînê de jineke 50 salî ya bi navê Emîne Şahîn canê xwe ji dest daye û jinek jî birîndar bûye.

efrin-navend-2.jpg

 

Herwiha balafirên şer ên Tirkiyê gundewarên bajarokên Cindirês, Bilbil û Şerayê jî bombebaran kirine.

 

Li aliyekê din Sererkaniya Artêşa Tirkiyê jî ragihandiye, şeva bihorî li her du çiyayên Bersaya (Paris) û Darmek de şer û pevçûnên giran di navbera hêzên Tirkiyê û Artêşa Azad a Sûriyê li gel şervanên YPGê de çê bûne.

 

Li gorî zanyariyan, di encama wan pevçûnan de 5 serbazên Artêşa Tikriyê û çekdarên Artêşa Azad a Sûriyê birîndar bûne ku bi rêya helîkopterên leşkerî yên Tirkiyê bo Nexweşxaneya Giştî ya Kilîsê hatine veguhastin.

 

Êrişa Artêşa Tirkiyê û çekdarên dijbereya Sûriyê yên girêdayî Enqerê îro Înê 9ê Sibata 2018ê derbasî roja 21ê bû.

 

Artêşa Tirkiyê ji roja 20ê Çileya bihorî ve operasyoneke berfireh bo ser herêma Efrînê ya Rojavayê Kurdistanê daye destpêkirin.

Ev nûçe 663 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din