Berdevkê artêşa Israîlê ragihand, firokeyeke bê firokevan ya Îranî, ji firîngeha T4 ya Tedmurê rabû û nêzîkî sînorên Israîlê bû, piştre êrîşî firokeya wan kir, lê wan karîbû wê firokeya bêfirokevan ya Îranê bînin xwarê, piştre firokeya Israîlî jî hat xistin.

Herwiha peyvdarê artêşa Israîlê, Îran bi xistina firokeya welatê xwe tometbar kir û got: "Îran serweriya Israîl binpê kiriye".

Ji aliyê xwe ve, ajansa fermî ya Hikûmeta Sûryê, ragihand ku artêşa Sûryê firokeyeke Israîlê anîne xwarê û bi gotina wê: "Ev ne yekem car e, ji ber ku berî niha jî artêşa Sûryê çend firokeyên Israîlî xistiye", lê artêşa Israîlê di daxuyaniya xwe de red kirk u bêtirî firokeyeke wê ji aliyê artêşa Sûriyê ve hatibe xistin.

Piştî xistina balefira Îsraîlê li bilindahiyên Colanê, hêzên esmanî yên Îsraîlê dest bi bombebarankirina paytexta Sûriyê bajarê Şamê kir.

 

Li ser karvedanên êrîşên Îsraîlê bo ser Sûriyê, Şamê diyar kir ku dê bersiva êrîşên Îsraîlê bidin.

 

Li gor zanyariyan niha balefirên Rûsyayê li Idlibê, Tirkiye li Efrînê û Îsraîl jî derdora paytexta Sûriyê bajarê Şamê bombebaran dikin.