AZADÎ, PAK, PDK, PSK: Ma Şêx Seîd û Embazanê Ey bi Hurmet Yadkenê

AZADÎ, PAK, PDK, PSK: Ma Şêx Seîd û Embazanê Ey bi Hurmet Yadkenê

AZADÎ, PAK, PDK, PSK: Ma Şêx Seîd û Embazanê Ey bi Hurmet Yadkenê

A+A-
"Ma Şêx Seîd û Embazanê Ey bi Hurmet Yadkenê 
 
Îdamkerdişê Serekê Hereketê Mîllî yê Kurdan ê 1925î Şêx Seîd û 47 Embazanê Ey ra 93 serî vîyartî. 
 
Şêx Seîd û Hevalê Xwu 29 Hezîrane 1925 de ameyî îdamkerdene. 
La a roje ra heta eyro Vakurê Kurdistanî de Meselaya Kurdan hel nêbî û hîna zî kewte halêko kompleks. 
 
Polîtîkaya resmî ya dewlete biney bibedelyo zî hemverê grûbanê dînî û etnîkî de înkar û asîmîlasyon dewam keno.
 
Ziwanê Kurdan hema zî azad nîyo û Mileta Kurde welatê xwu de bêstatu ciwîyena. 
 
Dewleta Tirke sey 93 serî verê cû nika zî Meselaya Kurdan meselaya "çete" û "terorî" vînena û wazena na mesela bi şîddet hel bikero. Bi nê meqsedî Kurdistan kerdo qadê leckerî û roje bi roje mîlîtarîzm bi hêz beno.
 
Dewleta Tirke eyro zî tena Vakur ney Şarê Kurdistanî pêro tehdîd kena, êriş û îşxal kena.
 
Sey 93 serî verê cû eyro zî welatperwerê kurdî yenê mehkemekerdiş û tewqîfkerdiş.
 
Dewlete hema zî mezelanê serek û şehîdanê Kurdistanî ra tersena. 
 
Ma eyro zî nêzanê mezelê Şêx Seîd û Embazanê Ey ça yo.
 
Sergêra 93. ê xeneqnayîşê Şêx Seîd û Embazanê Ey de ma partî û rêxistinê Kurdistanî sond wanenê ke ma do rayîrê înan terk nêkin û ma do seba hedefanê înan û şehîdanê bînan ê Kurdistanî ganê xwu dayo micadele bikin.
 
Ma partî û rêxistinê Kurdistanî rayna vanê ke wa Dewleta Tirkan cayê mezelanê Şêx Seîd û Embazanê Ey eşkere biko.
 
Ma Sergêra 93. ê Şehîdkerdişê Şêx Seîd û Embazanê Ey de înan bi hurmet anê xwu vîr û partî û rêxistin û sazîyanê sivîlan ra wazenê ma pîya seba eşkerekerdişê mezelanê Şêx Seîd û Embazanê Ey bixebetîyê."
 
29.06.2018
AZADÎ, PAK, PDK, PSK
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin