• Diyarbakır 5 °C
  • Batman 5 °C
  • Hakkari -3 °C
  • Şırnak 1 °C
  • Ağrı -5 °C

Avakerê AK Partiyê dibe namzedê HDPê

Avakerê AK Partiyê dibe namzedê HDPê
Siyasetmedarê kurd Dengîr Mîr Mehmet Firat dê di hilbijartinên Parlamentoya Tirkiyê de bibe namzedê Partiya Demokratîk a Gelan (HDP

Siyasetmedarê kurd Dengîr Mîr Mehmet Firat dê di hilbijartinên Parlamentoya Tirkiyê de bibe namzedê Partiya Demokratîk a Gelan (HDP).

HDPê di daxuyaniyekê de eşkere kir ku siyasetmedarê kurd Dengîr Mîr Mehmet Firat û akademîsiyenê kurd Prof. Dr. Mîthat Sancar dê ji bo namzediya hilbijartinan serî li rêveberiya HDPê bidin.

Di daxuyaniyê de hat gotin ku hevserokên HDPê Selahedîn Demîrtaş û Fîgen Yûksekdag dê serlêdana Firat û Sancar qebûl bikin.

Dengîr Mîr Mehmet Firat, ku yek ji avakerên AK Partiyê bû, beriya niha ji wê partiyê veqetiyabû.

Hat zanîn ku Firat dê sibê (25ê Sibat) ji bo namzediyê serî li HDPê bide.

Hilbijartinên Parlamentoya Tirkiyê dê roja 7ê Hezîranê bên lidarxistin.

Dengîr Mîr Mehmet Firat, roja 8ê Tebaxa 1943ê li navçeya Kahta ya bajarê Semsûrê yê Bakurê Kurdistanê ji dayîk bûye. Beşa hiqûqê ya Zanîngeha Enqereyê xwendiye. Sê caran bûye parlamenter û yek ji avakerên Partiya Dad û Geşedanê (AK Partî) ye, heyamekî jî bû alîkarê serokê giştî yê wê partiyê.

Firat bi jineke alman ya bi navê Krîstan (navê wê yê niha Zozan) re zewiciye û d zarokên wî hene.

Ev nûçe 704 caran hatiye xwendin
BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin
LI VÊ NÛÇEYÊ HÎN ŞÎROVE BARNEBÛNE.
Nûçeyên din