Artêşa Tirkîya dana Dewanê Til Temirî ro!

Artêşa Tirkîya dana Dewanê Til Temirî ro!

Dewleta Tirkîya çekdaranê xo yê bînan reyde bi bombardûmanêko giran hêrişê dewanê Til Temirî kerd.

A+A-

Merkezê Xeberan- Gore xeberan, artêşa Tirkîya saete 09:45 de bi obus û hawanan dewanê Dawudîye û Hiwêşa yê Til Temirî ser o bombayî varnayî. Nê dewan de sivîlî zî estî.

 

Tirkîya 12ê teşrîna peyêne de bi hawayêko giran dewanê Reşidîye, Qasimîye, Reyhanîye, Menax, Ûm el Kêf û Azîzîye, Dirbo û Kinebirî yê Til Temirî ser o bombayî varnayî.

 

Tirkîya 9ê teşrîna verêne ra nata hêrişê Rojawanî kena. Çarçewa peymananê ke DYA û Rûsya reyde ameyî kerdene Dewleta Tirkîya tay cayî îşxal kerdî.

 

Hêrişan de bi seyan sivîlî ameyî kiştene, bi se hezaran sivîlî zî warê xo ca verdayî. Gore raporanê rêxistinanê mîyanneteweyan hêrişan de înfazê kome zî tede zaf sucê şerî ameyî kerdene. Îdareyê Xoserî eşkera kerd ke sey fosfora sipîye zaf çekê qedexekerdeyî zî yenê xebitnayene.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin