Merkezê Nûçeyan

Hunermend Aram Attî yo ke Kobanî ra yo û welatê Almanya de maneno seba ke desteg bido Komela Çaplelî ya ke Ewropa de falîyet kena, şi cayê komele û dersa tembûre da.

Îdarekaranê Komela Çarpelî ra Brêz Osman Çinarî derheqê zîyaretê hunermendî de malûmat da û wina va:

“Ma ewro Cematê Kurdan yê Almanya Schweinfurtî bi ameyîşê Mamoste Aram Attî bol keyfweş bîyê û ey qewet da ma. Mamoset Aram seba ke dersa tembûre bido û seba ke hetkarîye bido koma ma ewro ameyo ma het. Ma Kurdê bajarê Almanya Schweinfurtî ey rê sipas kenî. “

Heto bîn ra peynîya kursî de îdarekaranê Koma Çarpelî ra Osman Çinarî, kitabê Eskerê Boyîkî yo ke newe vejîyayo (EVÎNA QEDEXE) sey xelate dîyarîya Mamoste Aram Attî kerd û ey rê seba hetkarîya ci zaf sipas kerd.

Komela Çarpelî Ewropa de hetê Kurdanê welatperweran ra ameya ronayîş û na komele seba pawitiş û averberdişê kultur û hünere Kurdan xebatan kena.