"Amerîka hişyarî daye YPGê tevlî şerê Idlibê nebin!"

"Amerîka hişyarî daye YPGê tevlî şerê Idlibê nebin!"

Rojnamevanekî Tirkîyê dibêje, berpirsên Amerîkî hişyarî dane YPGê û ji wan re gotine, eger ew di şerê Idlibê de li dijî Tirkîyê şer bikin, Amerîka wan naparêze!

A+A-

Navenda Nûçeyan - Rojnamevanê Tirkîyê û nivîskarê rojnameya Hurrîyetê, Murat Yetkîn ragihandîye, berpirsekî Amerîkî ji wî re gotîye ku nakokîyên Rûsya û Tirkîyê li ser Idlibê nabe sebeba wê ku şervanên YPGê êrişî Tirkîyê bikin yan jî di şerê Idlibê de alîkarîyê bidin rêjîma Sûrîyê.

Murat Yetkîn daye zanîn, wî berpirsê Amerîkî ku nexwastîye navê wî were ragihandin, gotîye, wan hişyarî dane YPGê ku eger li dijî Tirkîyê tevlî şerê Idlibê bibin, ew êdî wan li hember êrişên Tirkîyê naparêzin.

Wî rojnamevanî her wiha gotîye, Amerîka ji Tirkîyê re gotîye ku ewê sîstema mûşekî ya patrîyot li bajarê Hatay yê Tirkîyê daynin, bi şertekî ku Tirkîye dest ji sîstema mûşekî ya S-400 Rûsî berde.

Basnews

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin