Amerîka 3 milyon dolar xelat bo serê “wezîrê enformasîyon“a DAIŞê danî!

Amerîka 3 milyon dolar xelat bo serê “wezîrê enformasîyon“a DAIŞê danî!

Amerîka ragihand, her kesê ku bikaribe cihê “wezîrê enformasîyon”a DAIŞê deşîfre bike û wî bide girtin yan jî kuştin, dê 3 milyon dolar xelat bistîne!

A+A-

Navenda Nûçeyan - Wezareta derve ya Amerîka di daxuyanîyekê de ragihandîye, ew li terorîstekî mezin yê DAIŞê bi navê Mihemed Xidir Mûsa Remezan, ku jê re “Ebûbekir Xerîb” jî dibêjin, digerin ku di nav DAIŞê de “wezîrê enformasîyonê” ye.

Di daxuyanîya wezareta derve ya Amerîka de hatîye gotin, tevahîya xebatên medyayî û piropagandayên DAIŞê bi fermana û çavdêrîya Remezan tên kirin. Ji ber wê jî her kesê ku bibe sebeba girtin yan jî kuştina wî dê 3 milyon dolar xelat bistîne.

Mihemed Xidir Mûsa Remezan xelkê Urdinê ye û piştî ku berpirsê Almanî yê enformasîyona DAIŞê Kirîstîyan Emde di operasyoneka YPGê de li herêma Dêrazor ya Sûrîyê hat kuştin, bû berpirsê enformasîyona wê rêxistina terorê.

 

Ev nûçe 244 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin