Kombîyayîşê bi nameyê “Vakûrê Kurdistanî de Xoarêdayîşê Hereketê Netewî ya Kurd” ke hetê PAK û PSK ra yeno organîzekerdiş ewro (08.09.2019) Amed de dest pêkerd.

Serekê Pêroyî yê PAKî Mustafa Özçelik, Hetkarê Serekê Pêroyî yê PSKî Bayram Bozyel, Verfekê PDK Vakûr Hamit Kiliçaslan, temsîlkarê PAK, PSK, PDKî kombîyayîş de ca gênê. Heto bîn ra qasê 50 sîyasetmedarê Kurdî  zî seba kombîyayîşî ameyê dawetkerdiş.

Hetkarê Serekê Pêroyî yê PAKî Sait Aydoğmuş û Herkarê Serekê Pêroyî yê PSKî Hasan Dagtekin moderatorîya kombîyayîşî kenê.

Kombîyayîş bi seba şehîdanê Kurdistanî rêzgirewtiş dest pêkerd.

Hetkarê Serekê Pêroyî yê PAKî Sait Aydoğmuşî nameyê PAK û PSKî ser o  bi Kurdkî qaiseykerdişêk kerd.

Qalîkerdişê Sait Aydoğmuşî ra pey kombîyayîş çapemenîye rê padaye dewam kerd.

Kombîyayîş nika dewam keno û 2 rojî do dewam biko.

Qalîkerdişê Sait Aydoğmûşî ke nameyê PAK û PSKî ser o kerdo wina yo:

‘’ Embazê Ercîyayî

Temsîlkarê çapemenî yê ercîyayî

Şima bi xeyr ameyî kombîyayîşê ma yo ke hetê PAK û PSKî ra yeno organîzekerdene.

Her çî ra ver ma qayîlê şima ra vaje nê qiseykerdişê min ra pey kombîyayîş do çapamenî ra padaye dewam bikero.

Embazê ercîyayî

Vakûrê Kurdistanî de vilabîyayîşê hereketa netewî-demokratîk rastîyêka ma ya.Vakûrê Kurdistanî de caardişê prensîbê netewî-demokaratîk ya hereketa netewî-demokratîk lazimtîyêka esasî ya. Derheqê na lazimtî de û derheqê caardişê rayîr û raybazê na lazimtî de ma wazenê nê kombîyayîşî de rayîr û raybazan bigêre û vîr û vînayîşê xo yewbînan reyde pare bike. Belê rojeva kombîyayîşê ma na ya.

Eke ma nê kombîyayîşê xo de birese qeneat û fikrêko hempar, ma eşkenê kombîyayîşanê xo bi perîyodîk bidomne zî.

Me na gama xo ya ewilî de şexsîyetê bajarê Vakurê Kurdistanî dawetê kombîyayîşê xo kerdî. Ma sey PSK û PAK, bi heme temsîlkarê her di partîyan û bi temsîlkarê PDK Vakurî, ma 60 kesî seba nê kombîyayîşî dawet kerdî. Beşdarê nê kombîyayîşî. Ma do nê kombîyayîşê xo de mesleeyanê xo yê netewî ser o qisey bike.

Beno ke seba organîzekerdiş û başdaranê nê kombîyayîşî de tikê kêmanîyê ma estbê. La ma bawer kenê ke, bi aqilêko ortax ma do bieşkê nê kêmanîyanê xo rast bike.

Belê ma na bawerîye de yê ke, Vakûrê Kurdistanî de vilabîyayîşê hereketa netewî-demokratîk rastîyêka ma ya. Vakûrê Kurdistanî de caardişê prensîbê netewî-demokaratîk ya hereketa Kurd lazimtîyêka esasî ya. 

Seba na rastîya ma û derheqê caardişê rayîr û raybazê na rastî de ma wazenê nê kombîyayîşî de pîya rayîr û raybazan bigêre û vîr û vînayîşê xo yewbînan reyde pare bike. Belê armancê kombîyayîşê ma na yo.

Kombîyayîşê ma do 6-7 saete dewam bikero. Ma heme beşdaroxanê xo ra rîca kenê ke wa gorê rojeva bewlîkerdî hereket bikê û nêvejyê teberê rojewa bewlîkerdî.

Meqsed wa kombîyayîşê ma weş vîyaro. Helbet ke eke ma na gama ewilî de, bi hawayêko bi plan xo organize bike, seba sibarojî zî karê ma do rehet bibo.

Belê, embazê ercîyayî, gelo nê kombîyayîşê xo de ma do bieşkê Vakurê Kurdistanî de prensîbanê esasî ê hereketê netewî-demokratîk tesbît bikê? Gelo ma do bieşkê Vakûrê Kurdistanî de derheqê na lazimtîya xoarêdayîşê Hereketa Neteweyî ya Kurde de pê bike? Gelo ma do bieşkê çareserîya nê meseleyanê xo de tayn gaman bierzê?

Belê ma wazenê nê kombîyayîşê xo de nê çîyan ser o qisey bike.

Ma hêvî û bawer kenê ke, no kombîyayîş de ma do bi fikr, helwest û pêşniyazanê xo yewbînan rê hetkar bê. 

Ma hêvî û bawer kenê ke, Vakûrê Kurdistanî de seba xoarêdayîşê hereketa Neteweyî ya Kurd ma gamêka yewine bierzê. Ma hêvî kenî ke, kombîyayîşê ma seba şarê ma, dewaya şarê ma do dewam bikê. 

Ma onca şima pêrûne ra vanê şima xeyr ameyî û semedê beşdarîya şima ma şima rê sipas kenê.

PSK(Partîya Sosyalîst a Kurdistanî)

PAK (Partîya Azadîya Kurdistanî)’’

WENÊ: RUPELA NU