Almanya: Şehîd Dr. Sileman û Resûl Mihemdezade hatin bibîranîn

Almanya: Şehîd Dr. Sileman û Resûl Mihemdezade hatin bibîranîn

Dr. Silêman ji Bakur, Resûl Mihemdzade ji Rojhilat di operasîyona Musilê ya li hember DAÎŞê de li Başîka hatibûn şehîdkirin.

A+A-

Li Şifayinfurtê şehîd Dr. Silêman hat bi bîranîn Îro Yekşeme (11-12-2016) bi serperştiya Partiya Azadiya Kurdistanê (PAK) û Partiya Demukrata Kurdistanê-Sûriyê (PDK-S),li bingeha Komeleya Civaka Kurd li bajarê Şifayinfurtê yê Almanyayê, û bi amadebûna hejmarek welatiyên Kurdistanî, bîranîna şehîd Dr.Silêman (Seîd Çirûkkaya) û şehîd Resûl Mihemedzade hat lidarxistin.

Çalakiya bîranînê li demijmêr 14:00 bi xuleka rawestandinê bo canê şehîdên Kurdistanê û bi sirûda niştimanî Ey Reqîb dest pê kir.

Pişt re birêz Mistefa Ozçelîk Sekreterê Partiya Azadiya Kurdistanê (PAK) bi rêya Skypê beşdarî bîranînê bû, û têde behsa xebat û mêrxasî, raman û helwesta şehîd Dr.Silêman derbarê mafên neteweya Kurdî kir, her wiha behsa mafê dewletbûnê jî kir.

Pişt re gotara (PDK-S) ji aliyê Bavê Serbest berpirsê rêxistna Şifayinfurtê ve hate pêşkêşkirin, pişt re gotara rêxistina (PAK) li bajarê Şifayinfurtê ji aliyê birêz Osman Çinar ve hat pêşkêşkirin, û têde behsa mafê dewletbûnê kir û bi mafekî rewayê gelê Kurd anî ziman, pişt re birêz Bavê Kawa gotara Komeleya Civaka Kurd li Şifayinfurtê pêşkêş kir û têda bal kişand ser armancên damezrandina komeleyê û bi mala Kurdan da ziman. Pişt re hevalê şehîd Dr. Silêman, nivîskar û lêkolînvan birêz Zeynel Abdîn, vekolînek bi navê (Helwest û Ramana Serxwebûnê û Dr.Silêman) pêşkêşkir û têde balkişand ser pêvajoya xebata siyasî, têkoşîn, helwest û ramana serxbwenê li cem şehîd Dr. Silêman, herwisa anî ziman ku îro pêdiviya gelê Kurd bi helwest û raman şehîd Dr. Silêman heye û divê ev hizir were belavkirin.

Pişt re Helbestvan Mihemed Hesko (Birasoz) bi xwendina çend helbestan beşdarî bîranînê bû, û bi temaşekirin li belgefilmekî li ser jiyan û karê şehîd Dr. Silêman, çalakiya bîranînê bi dawî bû. . 

Almanya/Mihemed Hesko 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin