Akademîsyeno Kurd Hifzullah Kûtûmî roja 30.11.2021 de Amed de PAK zîyeret kerd.

Hetkarê Serekê Pêroyî yê PAKî Nurullah Tîmûr û Vahît Aba, Vervatoxê PAKî Hanîfî Tûran û qismêk endamê Meclîsa PAKî û îdarekarê Teşkîlatê Amedî yê PAKî amey akademîsyênê Kurd Hifzullah Kûtûm vera.

Hifzullah Kûtûmî zîyaretê xo de semedê hetkarîya PAKî pêrûna PAKîyan rê sipas kerd û va ‘’Hem demo ke ez wazîfeyê xo yê unîwersîte ra ameya dûrîvistene û hem demo ke ez ameya destbendkerdene û tewqîfkerdene de PAK bi hawayêko germ paştî da mi. Ez pêrûna îdarekar û endamanê PAKî rê sipas kena. Ez bi na hetkarîya netewperweran bi hêzin û sereberz a. Ma pîya xurt ê, ma do pîya eşkenê serbikewe’’.

Hetkarê Serekê Pêroyî yê PAKî Nurullah Tîmûrî zî semedê zîyaretê ey Hifzullah Kûtûmî rê sipas kerd û nameyê pêrûna PAKîyan ser o reyna Hifzullah Kûtûm pîroz kerd û va ‘’Ma seba na helwest û vindertişê şima yê neteweyî şima pîroz kenê û ma pê şima sereberz ê. Ma do ewro ra tepîya zî her tewir hetê şima bike’’.

Pêvînayîşê heyeta PAKî û akademîsyênê Kurd Hifzullah Kûtûmî atmosferêko germ, dostane û berhemdar de vîyart. Her di hetan zî waşt wa dîyalogê înan o dostane dewam biko.

Akademîsyêno Kurd Hifzullah Kûtûm roja 25.11.2021 Teşkîlatê Êlihî (Batmanê) yê PAKî zîyaret kerdbi û spasîya xo pêşkêşê îdarekar û endamanê PAKî yê Batmanî kerdbi.

Akademîsyenê Unîwersîteya Firatî yê Elezîzî Hifzullah Kûtûm bi minasebetê serrgêra Şorişê Elûle ya 60ine ya ke serra 1961î de Başûrê Kurdistanî de dest pêkerdbi, hesabê xo yê Twîtterî ser ra mesajêk vila kerdbi û vatibi “Şorişê Elûle hemE Kurdan rê pîroz bo, Biciwîyo Kurdistan”. Rîyê nê mesajê Hifzullah Kûtûmî ra wazîfeyê xo yê unîwersîte ra amebi dûrîvistene û badê zî amebi tewqîfkerdene. Le ser îtirazê avûkatanê ey, Hifzullah Kûtûm amebi veradayîş. Nika bi îdîaya ke ey ‘’ propagandaya rêxistina terorî kerdo’’ derheqê Hifzullah Kûtûmî de dewayêk ameya akerdene.

30.11.2021

Buroya Çapemenî û Têkilîye ya PAKî (Partîya Azadîya Kurdistanî)