Hemserekanê 72 baroyan qetilkerdişê kênaya Kurd Denîze Poyraz şermezar kerd û waşt ke wa qirkerdiş bêro roşnîkerdiş.

Hemserekanê 72 baroyan derheqê hêrişê biçeke yo ke vera bînaya Partîya Demokratîke ya Şaran HDPyî ame kerdene  û Denîze Poyraz amey qetilkerdene de eşkerayîya hempare da.

Eşkerayîye de hêrişê vera HDPyî sey hêrişê vera yewîya komelkîye, demokrasî û haştîye welatî ame namekerdene û ame vatene ke wezîfeyê dewlete yo esasî oyo ke hemwelatîyanê xo bipawo. 

Hemserekanê baroyan îzah kerd ke, hêzê tarî ê ke peyê ci deyê gere vejî orrte û hesab bidê. Hemserekan Denîze Poyraz rê homayî ra rehmet û merdimanê ci rê serweşîye waşte.

Baroyê ke eşkerayî da wina yê:

Amed,Adana, Semsûr, Afyonkarahisar, Agiri, Amasya, Anqara,Antalya, Artvîn, Ardahan, Aydin, Balikesir, Bartin, Êlih,Bilecîk, Çewlîg, Bedlîs, Bolu, Burdur, Bursa, Çanakale, Çarkin, Çorum,Denizli, Duzce, Edirne, Erzîngan, Erzirom, Eskişhehîr, Dîlok, Giresun, Gumuşhane, colemêrg,Hatay, Îdir, Isparta, Îstanbul, Îzmîr, Gumgum,Qers, Kastamonu, Qeyserî, Kirkkale, Kilis, Kocaeli, Konya, Kutahya, Meletî, Manîsa, Mêrdîn, Mersin, Mugla, Mûş, Ordu, Osmanîye, Sakarya, Sasmsûn, Sêrt, Sinop,Sewas, Riha, Şirnex, Tekirdag, Tokat, Trabzon, Uşan, Wan, Yalova,Yozgat, Zonguldak.