3 serran ra qerarê qedexekerdişî ê Wikipedia wedarîya

3 serran ra qerarê qedexekerdişî ê Wikipedia wedarîya

Rojnameyê Fermî de sebebê qerarê padîyayîşê Wikipedia ke sey binpaykerdişê heqan ame vînayîş, ame weşênayene. Mehkemeya Qanûnê Sulhî ya Anqara ya yewine badê ke qerar aşkere kerd Komeleya Resnayîşî û Teknolojî-Zanayîş do sîte bêra akerdiş

A+A-

Merkezê Xeberan- Mehkemeya Qanûnê Bingeyînî (AYM) qerarê padîyayîşê Wikipedia sey binpaykerdişê heqan qebul kerd û Rojnameyê Fermî de sebebê qerarê padîyayîşê Wikipedia ame weşênayîş.

Dayîşê nê qerarî reyde rayîrê akerdişê Wikipediaye abî. Qeraro ke Mehkemeya Qanûnê Bingeyînî de zafêrê 6 rayan zafaneyê rayanê pozîtîf girewt, erşawîya 1. Mehkemeya Qanûnê Sulhî ya Anqara rê.

Badê ke mehkema qerar biresno Komeleya Resnayîş û Teknolojî-Zanayîş do sîte newe ra bêra akerdiş.

Serra 2017î de ame îdîakerdene ke Wikipedia nuşte û ercnayîşanê ke Tirkîya bi grûbabê terorîstan reyde sey ortax nîşan danî, weşênayo û coka ra ameybî padayene û astengkerdene.

 

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin