26 partiyên siyasî navên namzetên xwe ji bo hilbijartinên Tirkiyê pêşkêş kirine

26 partiyên siyasî navên namzetên xwe ji bo hilbijartinên Tirkiyê pêşkêş kirine

.

A+A-

 Serokê Komisyona Bilind a Hilbijartinan li Tirkiyê ragihand, 26 partiyên siyasî lîsteyên xwe yên namzedên hilbijartinên xula 28emîn a Parlamentoya Tirkiyê pêşkêş kirine.

Serokê Komisyona Bilind a Hilbijartinan li Tirkiyê Ahmet Yener duhî 9ê Nîsana 2023an di konferanseke rojnamevanî de ragihand, dema şandina lîsteyên namzedên partiyên siyasî bi dawî bû û 26 partiyên siyasî lîsteyên xwe yên namzetan pêşkêş kirine.

Diyar kir jî, her yek ji Partiya Yekîtiya Dadperwerî, Partiya Dad û Geşepêdanê, Partiya Dayik a Niştimanî, Partiya Tirkiyê ya Serbixwe, Partiya Yekîtiya Mezin, Partiya Tirkiyê ya Mezin, Partiya Komarî ya Gel, Partiya Ciwanan, Partiya Hêza Yekgirtû, Partiya Maf û Azadiyan, Partiya Rizgariya Gel, Partiya Welat, Partiya Gel, Partiya Tevgera Neteweyî, Partiya Rêya Neteweyî, Partiya Çep, Partiya Karkerên Tirkiyê, Tevgera Komunîst a Tirkiyê, Partiya Komunîst a Tirkiyê, Partiya Welatparêz, Partiya Rafa, Partiya Nûjen, Partiya Keskan, Partiya Pêşerojê ya Çep û Partiya Serketinê lîsteyên xwe yên namzetan radestî saziya wan kirin.

Ahmet Yener got jî, li gorî madeyên 14, 13, 15 û 16 ên Ysaya Hilbijartinê, dê heta 11ê Nîsanê lêkolîn li ser pabendbûna wan bi mercan bê kirin, eger kêmasî hebin dê aliyên siyasî ji bo nehîştina wan kêmasiyan agahdar bikin.

Biryar e hilbijartinên parlamento û serokomariya Tirkiyê roja 14ê Gulanê bên kirin. Li Tirkiye û Bakurê Kurdistanê 61 milyon welatî dikarin dengê xwe bidin hilbijartinan û 4 milyon welatî jî dê li derveyî Tirkiyê dengê xwe bidin. Komîsyona Bilind a Hilbijartinan a Tirkiyê li hemû bajar û navçeyên Tirkiyê û Bakurê Kurdistanê 190 hezar navendên dengdanê destnîşan kirin.

K24

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin