15emîn salvegera serhildana 12ê adarê

15emîn salvegera serhildana 12ê adarê

Rojeke weke îro 12 Adara 2004an gelê Kurd li seranserî Rojavayê Kurdistanê ji Qamişlo û herêma Cizîrê, Kobanê, Efrîn, Heleb û heta Şama paytexta Sûriyê li dijî rêjîma Suriyê serî hildan.

A+A-

Di 12 Adara 2004an de, li yarîgeha Cîhad a li bajarê Qamişloyê, di dema lîstika futbolê ya di navbera herdu tîmên Cîhad û Fitiwê de, alaya kurdan hate hildan, alîgirên Tîma Fitiwê yên ku hemû alîgirên wê Erebên Dêrezorê bûn, di gel hêzên ewlehiyê yê rêjîma Esed êrîşî kurdan kir û lîstikgeh bû meydana şerî û hêzên ewlehiyê yên rêjîma Beis bi guleyan êrîşî kurdan kir, ku hejmarek ji kurdan di lîstikgehê de şehîd bû û hejmarek mezin jî birîndar bûn.

Xelkê Qamişlo derketin kolanan û meş û nerazîbûn nîşan dan. Rêjîma Sûriyê û eşîrên Ereb jî êrîşî kurdan kir. Kurdan ji Qamişlo û heta tevahiya gund û bajarên Rojavayê Kurdistanê xwepêşandan kir û serî hildan.

Di serhildana 12ê Adarê de zêdetirî 42 welatiyên kurd ên Rojavayê Kurdistanê şehîd bûn, bi sedan kes jî birîndar bûn. Herwiha hêzên rêjîma Sûriyê zêdetirî 3 hezar kes ji welatiyên sivîl ên kurd desteser kirin û girtin.

Serhildan ji ber bikaranîna çekan ji aliyê hêzên rejîmê ve Heftiyekî berdewam bû, 42 kesan jiyana xwe ji dest dan û di nav de jin û zarok jî hebûn.

qamislo5.jpgqamislo3.jpgqamislo4.jpgqamilo2.jpg

 

(K24/ Rûdaw)

Ev nûçe 303 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin